Objektivat e shoqatës:

*Bërja të njohura dhe përkrahja e parimeve, ideve dhe përparësive të bujqësisë së qëndrueshme, nëpërmjet materialeve informative, medias, trainimeve, seminareve, etj.
 

*Nxitja e krijimit të grupimeve të fermerëve dhe e kanaleve të marketingut për produktet organike.

*Këshillimi i bizneseve individuale dhe i grupeve të fermerëve për prodhimin, përpunimin dhe tregtimin e prodhimeve të përftuara në mënyrë organike.
 

*Këshillimi i bizneseve individuale dhe i grupeve të fermerëve për prodhimin, përpunimin dhe tregtimin e prodhimeve të përftuara në mënyrë organike.
 

*Ndihma ndaj anëtarëve dhe grupeve të tjera të interesuara, nëpërmjet kurseve të trajnimit, seminareve, konferencave, botimeve, udhëtimeve studimore, etj.
 

* Asistimi pranë qeverisë dhe institucioneve të tjera në formulimin e kuadrit ligjor, politikave bujqësore dhe në përgjithësi për zhvillimin e zonave rurale duke u bazuar në parimet dhe praktikat e zhvillimit të qëndrueshëm.
 

* Sigurimi i çertifikimit lokal "Bio-Organik"

:Lehtësimi i proçedurave për inspektim lokal dhe ndërkombëtar

Struktura e SHBO-së

Mbështetje për një Bujqësi të Qëndrueshme në Shqipëri

-         SHBO vazhdon me sukses drejtimin e projektit SASA-

Në këtë skaj të Europës Juglindore BE synon të integroj në gjirin e vet një vend rural, ku bujqësia përbën degën kryesore të ekonomisë. Për shkaqe të forta gjeografiko-historike profili ekonomik shqiptar do vazhdoj për shumë kohë të jetë rural-bujqesor. Është për të ardhur keq që pak kuptohet se sfida kryesore e shqiptarve në agenden e integrimit është që pikërisht ky profil rural të korigjohet sipas standarteve të BEse.

Trafikun e drogës, pershembull, e ndalon edhe me një ministër apo kryeministër të vendosur e për më teper me një qeveri të vendosur. Por një ministër apo Qeveri e fortë nuk mund ta sjell bujqësinë në parametra europian e kompetitive.  Eshtë tëresia e institucioneve politikebërese e vendimmarrëse, organizatave jo qeveritare dhe mediave që në pozicionet e veta të përpiqen të konvergojnëe në krijimin e profilit rural - bujqësor të standarteve europiane. Sfida për bujqësinë shqiptare nuk është rritja e rendimenteve, siç komentojnë disa specialsitë. Ky është proces që ndodh natyrshëm si rrjedhoj e presionit të forcave të tregut. Sfida është kontrolli i forcave të tregut dhe orientimi i tyre në rrugët që sigurojnë një zhvillim të qëndrueshëm.

Shqipëria ka bërë pak progres në fushën e bujqësisë thotë BE në raportin për Shqiperinë për vitin 2005. Aty thuhet shprehimisht : “Shqipëria duhet të zhvilloj strategji në përdorimin e tokës, në tregun e tokës, zhvillimin rural, diversifikkimin  e aktiviteteve të fermave dhe rritjen e konkurueshmerise bujqësore. Është gjithashtu e nevojshme të përmisohen kanalet e shpërndarjes dhe të instalohen kapacitete ruajtëse të mjaftueshme. Progresi në keto fusha do të kontribuonte në përmisimin e cilësisë së produktit final dhe rritjen e konkurueshmerisë”.  Më tej raporti vazhdon: “ Në mënyrë që sistemi i sigurisë ushqimore si i tërë të bëhet efektiv duhet të rikonstruktohet dhe sistemet e kontrollit të forcohen në Shqipëri nevojitet të sigurohet një kontroll efektiv i prodhimit bimor vendas në përgjithesi, veçanërisht për produktet me kerkesa specifike të BE dhe të vendose kapacitete analitike në sektorin fitosanitar.” BE thekson si pozitive rëndesinë e  nënshkrimit të konventave për kimikatet ( konventa e Stockholmit) dhe organizmat e modifikuar gjenetikisht, OMGJ-te (protokolli i Kartagjenës), por konsideron si shumë të rëndësishme përmisimin e situatës në realitet. 

Modeli i bujqësisë së qëndrueshme çon ne krijimin e profilit europian.

Në vitin 1988 Qeveria aprovoi strategjinë e gjelbër. Ishte risi që në këtë strategji pati një kapitull për zhvillim rural të qëndrueshëm. Shoqata e Bujqesise Organike morri përgjegjësinë e formulimit të këtij kapitulli, duke presantuar kështu për herë të parë në Shqipëri në një strategji konceptin e zhvillimit të qëndrueshëm. Por kjo strategji mbeti në arshivë të Ministrisë së Bujqësisë dhe nuk u vu ndonjeherë në zbatim. Shoqata e Bujqësisë Organike bëri një kërcim në terren, duke filluar qysh në vitin 2000 një projekt, që më vonë do ta pagezonte Mbeshtetje për një Bujqësi të Qëndrueshme në Shqipëri, shkurt SASA (acronym nga anglishtja Sustainable Agriculture Support in Albania).  Projekti synonte një integrim vertikal që nga sigurimi i standarteve në nivel prodhimi deri tek informimi i konsumatorit. Për të demostruar bujqësinë e qëndrueshme u zgjodh modeli më i mirë i saj, bujqësia organike. Rezultati provoi të ishte një model i sukseshëm. Jo vetëm tash ka një treg lokal të qëndrueshem te prodhimev organike, përfshi dhe presencën e ketyre prodhimeve në nivel të hypermarket-it të vetem shqiptar, por eksporti i disa produkteve si vaj ulliri, bime medicinale, të certifikuara “organik” janë tash një realitet 3 vjeçar.

Ndryshe nga shumë projekte që lihen përgjysem me mbarimin e mbështetjes nga donatorë të huaj, SHBO edhe pas mbylljes së financimit (Kooperimi zviceran) po vazhdon zbatimin e projektit SASA me sukses thuajse në të gjithë dimensionet e tij, duke rritur prezencen në treg. Pritet që nën çertifikimin “organik” të SHBOsë vetëm fruta perime të arrij nivelin 300 ton, kunderejt 208 ton në vitin 2005. Janë vetë sipermarresit e rinj tashmë që mbështetur në atraktivitetin ekonomik të shoqëruar dhe me pasionin për një bujqësi afër shijes së konsumatoreve dhe me ndjeshmeri për mbrojtjen e ambjentit aplikojnë modelin e zhvillimit të qëndrueshem. Interes kanë paraqitur së fundi dhe kanë hyrë në skenën e certifikimit nderkombetar, të lehtësuar nga SHBO, edhe prodhuesit e bimeve medicinale me destinacion eksportin e ketyre bimëve.

Ky model vlen të përhapet dhe mbështetet nga shteti shqiptar. Këta aplikantë të këtij modeli duhen veçuar nga të tjerët. Ata duhet të subvencionohen. Komuniteti Europian i cili i ka të njojtura keto skema subvencionimi në vendet e tjera të Europës Juglindore që pritet të antarësohen në BE, Bullgari, Rumani e Kroaci duhet pa hezitim të filloj aplikimin e tyre në Shqipëri. Por është Qeveria shqiptare që ka rolin e përshpejtuesit në presantimin e këtij modeli të bujqësisë së qëndrueshme në Shqiperi. Ish kryeministri Shqiperisë e percaktoi bujqësinë organike si një nga 3 shtyllat e zhvillimit të vendit ne vitet e ardhshme. Kryeministri aktual ka per detyre qe keto shtylla te mos mbeten skic-ide por të ngrihen shpejt në terrenin shqiptar që sa më shpejt Shqipëria të ndërtoj profilin e saj europian.

Shënim: Artikull i botuar në gazetën "Biznesi", 29 Korrik 2006